Trajneri i Barcas, Ronald Koeman lavdëroi ndikimin e Lionel Messi, i cili u fut në lojë nga stoli për një fitore 3-2 kundër Real Betis.

Gjashtë herë fituesi i Topit të Artë shënoi vetëm 136 sekonda pasi u fut në lojë – goli i tij më i shpejtë si zëvendësues për Barcan në LaLiga.

Trincao shënoi golin e fitores për Barcan në minutën e 87-të, dhe tani janë 7 pikë prapa Atletico Madrid, të cilët i kanë dy lojë më pak.

Koeman për yllin, Messi pas ndeshjes u tha reporterëve:

“Unë gjithmonë flas me lojtarët dhe shpreh idetë e mia.

“Unë fola me Lionel Messin dje nëse ai është i lumtur me pushim dhe nëse do të ishte nevoja gjatë lojës, do ta fusja në lojë.

“Kjo është ajo që përfundoi duke ndodhur. Ne po humbnim 1-0 dhe vetëm pak minuta pasi u fut në fushë ai e ndryshoi lojën.

“Ai shënoi golin e barazimit dhe i shtoi shumë lojës tonë në pjesën e dytë.”

Messi tani ka shënuar gjashtë gola në shtatë ndeshjet e fundit në LaLiga ku ka luajtur nga stoli, transmeton arbresh.info.

Barcelona e Koeman ka fituar nëntë ndeshjet e fundit si mysafir në të gjitha garat./arbresh.info/